Osmanlı Devleti'nde Modernleşme Dönemi (1879-1924) Dava Belgelerinin Düzenlenme Biçimi

“İstanbul’da Zeyrek karibinde Hızır Bey Mahallesi ahâlisinden sâhib-i arzı hal çukadar Ali bin Mehmet meclis-i şer-i enverde zât-ı tarif-i şerî ile ma’rufe olan Hafize hatun ibnete el-hâc Mehmet ile Hacı muvâcehesinde merkûme Hafize tarihi ilâmdan üç sene mukaddem nefsini altı bin akçe mehir tesmiyesiyle bana tezvic ben dahi tezevvüc ve duhûl edip ol vechile mezbûre Hafize zevce-yi medhûlün biham iken ben târih-i ilâmdan beş ay mukaddem diyar-ı âhara gitmekle zevcem mezbûre dahi diyarı Mısır’a gidip beni fevt oldu zannı ile nefsini merkûm el-hac İbrahim’e tezevvüc etmekle beynleri tefrik ve ba’de inkızâ’ül-iddet nefsini bana teslime tembih olunmak matlûbumdur diye dava ve mezbûre Hafize ikrar ve merkûm Hacı İbrahim müddei-i merkûmun zevciyetini inkar etmekle müddei-i merkûm müddeâsını zât-ı merkûmeyi ârifan mahalle-yi mezbûre imamı es-seyyid Mehmet Efendi ve müezzin Mehmet şehâdetleriyle ispat etmeğin mûcebince nikâh-ı sâni fesh olunup ve bâde inkızâ’ül-iddet nefsini zevc-i evvel merkûme teslime merkûme Hafize’ye tembih olunmuştur(87)…