Osmanlı Devleti'nde Modernleşme Dönemi (1879-1924) Dava Belgelerinin Düzenlenme Biçimi

“(…) tarihinden yirmi gün mukaddem yani işbu sene-yi mübâreke Receb-i şerîf-i gurresi Salı günü ben ve işbu hazıre bi’l-meclis Ayşe Hanım âkil ve bâliğ ve mevâni-i şeriyeden hâli olduğumuz halde (…) menzilinde karye-yi mezkûre ahalisinden mezbûre Ayşe Hanım’ın rızâen er karındaşları Dallı Mehmet oğlu Ali Ağa ibn Mehmet ile Ebukâli oğlu Hacı Hasan Ağa ibn Ahmet mahzârında, ben mezbûre Ayşe Hanım’a hitaben, 300 kuruş mehr-i muaccel ve 500 kuruş mehr-i müeccel ile seni aldım dediğimde, ol dâhi meclis-i mezkûrde 300 kuruş mehr-i muaccel ve 500 kuruş mehr-i müeccel ile sana vardım demekle, bu vechile mezbûre Ayşe Hanım menkûham olup mehr-i muacceli olan 300 kuruş dahi, tarih-i nikahtan iki gün sonra, şahidân-ı mezbûran yanlarında yedimden tamâmen ahz-u kabz eylemişken hâlâ bana itaat ve hukuk-u zevciyete riâyetten ibâ ve imtina eder olmakla, sual olunup karye-yi mezkûrede kâin mesken-i şerî olan menzilime gelip bana itaat ve hukuk-u zevciyete riayete, mezbûre Ayşe Hanım’a tembih olunmak matlubumdur(213).”